Scroll to top
ЗӨВЛӨМЖ
ЗӨВЛӨМЖ
"Замын хөдөлгөөний дүрэм" зөвлөмж
Суралцагчдад
Зам хөндлөн гарахдаа зөвхөн явган хүний гарц, гэрлэн дохио ашиглах.
“Улаан” гэрэл дээр болон гэрлэн дохиогүй үед автомашины хөдөлгөөн бүрэн зогссон эсэхийг сайтар нягтлах.
Автобус, таксины ард/урд зам хөндлөн гарахгүй (жолооч харах боломжгүй тул маш аюултай) байх.
Дүрэмт хувцас дээр тод өнгийн тусгалтай тууз, гэрэл ойлгогч зүүх (өглөө, оройн бүрэнхийд).
Гар утас, чихэвч ашиглаж байхдаа зам хөндлөн гарахаас зайлсхийх.
Эцэг эх, асран хамгаалагч, харгалзан дэмжигчдэд
Сургууль орчмын замд хамгийн аюулгүй маршрутыг хүүхдэдээ тогтмол зааж өгөх.
Хүүхдээ сургуульд нь автомашинаар хүргэж өгч байгаа тохиолдолд шугам татсан буулгах цэг дээр зогсох.
Бага насны хүүхдийг сургууль, цэцэрлэгт хүргэж өгч, авахдаа гараас гарт журмыг баримтлах.
Хүүхдэдээ өөрөө үлгэрлэн замын хөдөлгөөний дүрмийг мөрдөх талаар ойлгуулах.
Боловсролын сургалтын байгууллагуудад
Замын хөдөлгөөний аюулгүй байдлын талаар сургалт зохион байгуулах.
Боловсролын сургалтын байгууллагын орчимд анхааруулах тэмдэг, хурдны хязгаарын тэмдэг, тэмдэглэгээг байршуулах.
Хүүхдийг зам тээврийн осолд өртөхөөс урьдчилан сэргийлж холбогдох байгууллагуудтай хамтран ажиллах.
Жолооч нарт
Сургууль, цэцэрлэгийн орчимд хурдны дээд хязгаарыг мөрдөх (30 км/цаг эсвэл заасан тэмдгийн дагуу).
Явган хүний гарц дээр бүрэн зогсож, хүүхдийг аюулгүй зам хөндлөн гарсны дараа хөдөлгөөнөө үргэлжлүүлэх.
Сургуулийн автобус болон сургуулийн орчимд машин жолоодож байгаа тохиолдолд анхаарал болгоомжтой байх.
Зам дээр гэнэт хүүхэд гарч ирэх магадлалтайг анхаарч, сэрэмжлэх.
