Мэдээ, мэдээлэл

БАГА АНГИЙН АНГЛИ ХЭЛНИЙ СУРАХ БИЧГИЙГ СУРГУУЛИУДАД ХҮРГЭЖ БАЙНА

БАГА АНГИЙН АНГЛИ ХЭЛНИЙ СУРАХ БИЧГИЙГ СУРГУУЛИУДАД ХҮРГЭЖ БАЙНА

Өмнөх хичээлийн жилд англи хэлний бага ангийн хөтөлбөрийг 105 сургуульд туршилтаар хэрэгжүүлсэн. Туршилтын хөтөлбөрийг хэрэгжүүлэхдээ англи хэлний сурах бичигт Монгол агуулгын тохируулга хийсэн. Энэ хичээлийн жилд төрийн өмчийн ЕБС-ийн 3 болон 4 дүгээр ангийн нийт сурагчдыг англи хэлний хөтөлбөрт хамруулах гэж байгаа учир Монгол агуулга бүхий сурах бичгийг хэвлэж бэлдээд байна. Дээрх монгол ахуй, соёлтой холбоотой мэдээлэл агуулгыг БСҮХ-тэй хамтран боловсрууллаа.

Бэлэн болсон сурах бичгүүдийг Боловсролын газраар дамжуулан сургуулиудад хүргэж байна. Суралцагч бүрд сурах бичиг, дасгал ажлын ном хүргэгдэнэ.

2025-2026 оны хичээлийн жилд төрийн өмчийн ерөнхий боловсролын сургуулийн гурав, дөрөвдүгээр ангид англи хэлний нэмэлт хөтөлбөр хэрэгжинэ. Энэ хүрээнд суралцагчид долоо хоногт хоёр цагаар англи хэлний хичээлийг үзнэ.