Мэдээ, мэдээлэл

СОНГИНОХАЙРХАН ДҮҮРЭГТ 640 ХҮҮХДИЙН СУУДАЛТАЙ СУРГУУЛИЙН БАРИЛГЫН АЖИЛ ДУУСЛАА

СОНГИНОХАЙРХАН ДҮҮРЭГТ 640 ХҮҮХДИЙН СУУДАЛТАЙ СУРГУУЛИЙН БАРИЛГЫН АЖИЛ ДУУСЛАА

Сонгинохайрхан дүүргийн 28 дугаар хороонд 640 хүүхдийн суудалтай сургуулийн барилгын ажил дууслаа. Улсын төсвийн хөрөнгө оруулалтаар баригдсан энэхүү сургууль нь 60м х17м хэмжээтэй, зоорьтой гурван давхар барилга юм. Зохион байгуулалтын хувьд спорт заал, урлагийн заал, хичээлийн анги танхимууд, багш нарын өрөө, хими болон биологийн лаборатори, эмчийн өрөө, ажилчдын амралтын өрөө болон бусад өрөө тасалгаанаас бүрдсэн байна.

Мөн гадна тохижилтын хүрээнд хөлбөмбөгийн талбай, сагсан бөмбөгийн талбай, чийрэгжүүлэх тоног төхөөрөмж болон явган хүний зам, талбай, автозамын зогсоолыг төлөвлөн гүйцэтгэсэн.

Тус ажлыг “Бумбод” ХХК гүйцэтгэж, Нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэн ажиллалаа.