Scroll to top
ШИНЭ ХИЧЭЭЛИЙН ЖИЛИЙН БЭЛТГЭЛ
ШИНЭ ХИЧЭЭЛИЙН ЖИЛИЙН БЭЛТГЭЛ
Боловсролын сургалтын байгууллагын тусгай зөвшөөрөл
Эцэг эх, асран хамгаалагч та бүхэн хүүхдээ цэцэрлэг, ерөнхий боловсролын сургуульд элсүүлэх, шилжүүлэн сургахдаа тухайн сургалтын байгууллага нь сургалт эрхлэх тусгай зөвшөөрөлтэй эсэх, мөн тусгай зөвшөөрлийн хүчинтэй хугацааг нягтлаарай.
Тухайн сургалтын байгууллага зөвшөөрөл авснаар Боловсролын ерөнхий хууль, Зөвшөөрлийн тухай хуульд заасан нөхцөл шаардлагыг хангаж, сургалтын хөтөлбөрийг хэрэгжүүлэх мэргэжлийн багшлах боловсон хүчин болон гадаад, дотоод орчны аюулгүй байдлыг хангасан болохыг эрх бүхий байгууллагаас зөвшөөрсөн албан ёсны боловсролын сургалтын байгууллага байна гэж ойлгож болно.
Та хүүхдээ “Төрийн бус өмчийн цэцэрлэг, сургуульд” элсүүлэхдээ тухайн боловсролын сургалтын байгууллагын сургалт эрхлэх үйл ажиллагаатай холбоотой зөвшөөрөлтэй танилцаж, гэрээ байгуулаарай.
Эцэг эх, асран хамгаалагч, харгалзан дэмжигч нь цэцэрлэг болон ерөнхий боловсролын сургуультай хамтран ажиллах гэрээ байгуулахдаа Боловсролын ерөнхий газрын даргын 2023 оны 08 дугаар сарын 28-ны өдрийн А/276 дугаар тушаалын 1, 2 дугаар хавсралтаар баталсан загварын дагуу байгуулаарай.
Хэрэв та сургалт эрхлэх тусгай зөвшөөрөлгүй байгууллагатай гэрээ байгуулбал боловсролын салбарын мэдээллийн системд таны хүүхэд бүртгэгдэх боломжгүйг анхаарч, урьдчилан сэргийлээрэй.
