Мэдээ, мэдээлэл

ОЛОН УЛСЫН МЭДЭЭЛЭЛ ЗҮЙН ОЛИМПИАДААС 1 ХҮРЭЛ, 2 ХҮРЭЛ МЕДАЛЬ ХҮРТЛЭЭ

Олон улсын Мэдээлэл зүйн 37 дугаар олимпиад 2025.07.28-08.03-ны өдрүүдэд Болив улсын нийслэл Сукре хотод амжилттай зохион байгуулагдаж байна.

Уг олимпиадад дэлхийн 87 орны 330 сурагч оролцож, программчлах ур чадвараараа 2 өдөр нийт 6 бодлого бодож өрсөлдсөн юм.

Манай багийн сурагчдаас нийслэлийн ерөнхий боловсролын Эрхэт Эрдэм сургуулийн 12 дугаар ангийн сурагч Чинбатын Ирмүүн ХҮРЭЛ МЕДАЛЬ хүртэж бахдам амжилт үзүүллээ.

Ингэснээр Ч.Ирмүүн олон улсын мэдээлэл зүйн олимпиадын хошой хүрэл медальтай болж байна.

Тус олимпиадад Монгол Улсаа төлөөлж

• Дархан-Уул аймгийн Монгол-Оюу сургуулийн 12 дугаар ангийн сурагч Гантөмөрийн Амарсанаа,

• Нийслэлийн ерөнхий боловсролын Эрхэт Эрдэм сургуулийн 12 дугаар ангийн сурагч Чинбатын Ирмүүн,

• Нийслэлийн ерөнхий боловсролын Нэст Эдукэйшн сургуулийн 10 дугаар ангийн сурагч Ганзоригийн Эрхэм,

• Нийслэлийн ерөнхий боловсролын Сант сургуулийн 12 дугаар ангийн сурагч Мандахын Түвшинбаяр нар амжилттай оролцлоо.

Түүнчлэн тус олимпиадын үеэр 2025 оны Ази-Номхон далайн орнуудын мэдээлэл зүйн олимпиад (APIO 2025)-д амжилттай оролцож ХҮРЭЛ МЕДАЛЬ хүртсэн сурагч Г.Амарсанаа, Г.Эрхэм нар батламжаа гардан авлаа.

Монгол улсын багийн ахлагчаар ММЗО-ын хорооны дарга, МУБИС-ийн профессор Д.Цэдэвсүрэн, дэд ахлагчаар МУИС-ийн багш, доктор Э.Авирмэд нар оролцлоо.

Жич: Олон улсын Мэдээлэлзүйн олимпиадад Монгол Улсын оролцсон байдал:

Монгол улсын хувьд анх 1990 онд болсон 2-р олимпиадаас эхлээд, 1993–1998, 2001, 2003 оны олимпиадуудаас бусдад олимпиадуудад нь оролцсон.

Амжилттай оролцсон олимпиадын хороо болон багш, сурагчдадаа, дэмжиж тусалсан бүх байгууллага хувь хүмүүст талархал илэрхийлье!

Багш, сурагчдадаа баяр хүргэе!