Мэдээ, мэдээлэл

ОЛОН УЛСЫН ГАЗАРЗҮЙН ОЛИМПИАДААС 8 ЖИЛИЙН ДАРАА ХОС ХҮРЭЛ МЕДАЛЬ ХҮРТЛЭЭ

Олон улсын газарзүйн 21 дүгээр олимпиад 2025.07.27-31-ний өдрүүдэд Тайланд Улсын нийслэл Бангкок хотноо амжилттай зохион байгуулагдаж, шилдгүүдээ тодрууллаа.

Монгол Улсын баг 2 хүрэл медаль хүртэж, бахархам амжилтыг үзүүллээ. Өмнө нь 2016 оны БНХАУ, 2017 оны Бельградын олон улсын олимпиадаас манай сурагчид мөнгө, хүрэл медаль хүртэж байв.

Медаль хүртэн сурагчид:

* Норовсүрэнгийн Нараа

Шинэ Эрин ОУ-ын сургууль, 11-р анги

* Аянбекийн Амина

Гёте сургууль, 11-р анги

Мөн амжилттай оролцсон Цэрэндоржийн Бүрэнбаяр (Орхон Хасү сургууль, 11-р анги), Отгонбилэгийн Энгүүн (Орчлон сургууль, 11-р анги) нартаа баяр хүргэе.

Багийн ахлагчаар В.Батцэнгэл (МУИС-ийн Газарзүйн тэнхимийн профессор), Ц.Цэндсүрэн (МУИС-ийн Газарзүйн тэнхимийн багш) нар ажиллалаа.

Сурагчдаа амжилттай бэлтгэн оролцуулж, 8 жил тасалдсан медалийн буухиаг үргэлжлүүлсэн Монголын Газарзүйн Олимпиадын Хороо, Шинэ эрин ОУ-ын сургууль, Гёте сургууль, Орхон хасу сургууль, Орчлон сургуулиудын хамт олон, сурагчид, багш нар, эцэг эхчүүддээ талархал илэрхийлье!