Scroll to top
Scroll to top
ШИНЭ ХИЧЭЭЛИЙН ЖИЛИЙН БЭЛТГЭЛ
Сургуулийн өмнөх боловсрол
Сургуулийн өмнөх боловсролд 2025-2026 оны хичээлийн жилд шинэчилсэн сургалтын хөтөлбөр хэрэгжиж эхлэхтэй холбоотойгоор бэлтгэл ажлууд шат дараатайгаар зохион байгуулагдаж байна. Үүнд:
2024-2025 оны хичээлийн жилд шинэчилсэн хөтөлбөрийн туршилтыг нийслэлийн 6, аймгийн төвийн 6, сумын төвийн 6 нийт 18 цэцэрлэгийн 2186 хүүхэд хэрэгжүүлж, үр дүнг нэгтгэсэн.
Сургалтын хөтөлбөрийн хэрэгжилтийн үр дүн, экспертийн саналыг тусган “Мэргэжлийн зөвлөл”-өөр хэлэлцүүлж, сайжруулсан.
Хөтөлбөрт төр болон иргэний нийгмийн байгууллагын санал авч сайжруулах зорилгоор төрийн 12, төрийн бус 14 байгууллагын 53 хүний бүрэлдэхүүнтэй хэлэлцүүлэг зохион байгуулж, саналыг тусгаж сайжруулсан.
Боловсролын Үндэсний Зөвлөл 2025 оны 7 дугаар сарын 29-нд хуралдаж, сургуулийн өмнөх боловсролын шинэ сургалтын хөтөлбөрийг хэлэлцэж, баталсан.
Боловсролын яам, Боловсролын судалгааны үндэсний хүрээлэн, Боловсролын ерөнхий газар хамтран “Сургалтын хөтөлбөрийг хэрэгжүүлэх төлөвлөгөө” баталж, 6 арга хэмжээ, 55 үйл ажиллагааг хэрэгжүүлэх чиглэлээр ажиллаж байна.
2025-2026 хичээлийн жилийн гол чиглэл...
Сургуулийн өмнөх боловсролын сургалтын хөтөлбөрийг хэрэгжүүлэх бэлтгэл ажлыг хангаж, хэрэгжилтэд бүх талын оролцоог хангах;
Багш бүр мэргэжлийнхээ тасралтгүй хөгжлийг хангаж, мэргэжлийн багш нарын бүлгийн үйл ажиллагааг чанаржуулах;
Сургалтын хөтөлбөрийг багш бүр сайн судалж, хөтөлбөр хэрэгжүүлэх арга зүйд багаараа суралцах, хамтдаа хөгжих;
Сургалтын шинэчилсэн хөтөлбөрийг хэрэгжүүлэх орчныг бүрдүүлэхэд бүх талууд хамтран ажиллах;
5 настай хүүхэд бүрийг сургуулийн өмнөх боловсролд бүрэн хамруулах;
Хөгжлийн бэрхшээлтэй, малчин өрхийн 2-5 насны хүүхдийг судалгаанд суурилан СӨБ-ын үйлчилгээнд бүрэн хамруулах;
Хүүхэд хамгааллын баг, Дэмжлэгийн багийн үйл ажиллагааны хэрэгжилт, хяналт, үр дүнг сайжруулан, гишүүдийг чадавхжуулах;
Байгууллагын менежмент, өөрийн болон хөндлөнгийн үнэлгээний соёлыг төлөвшүүлэх.
