Scroll to top
Scroll to top
МОНГОЛ УЛСЫН ЕРӨНХИЙ САЙД 2025-2026 ОНЫ ХИЧЭЭЛИЙН ЖИЛИЙН БЭЛТГЭЛ АЖИЛТАЙ ТАНИЛЦАЖ, ҮҮРЭГ ЧИГЛЭЛ ӨГЛӨӨ
Ерөнхий сайд Г.Занданшатар 2025 оны 8 дугаар сарын 23-ны Бямба гарагт нийслэлийн Хан Уул дүүргийн 16 дугаар хороонд баригдсан 181 дүгээр бага сургууль, 356 дугаар цэцэрлэгийн цогцолборын барилгатай танилцаж, боловсролын салбарын 2025-2026 оны хичээлийн жилийн болон намар, өвлийн бэлтгэл арга хэмжээний явцын мэдээллийг сонслоо.
Төсөл хөтөлбөр, нийслэл, дүүргийн төсвийн хөрөнгө оруулалтаар 2025 онд баригдаж ашиглалтад орох хүүхдийн цэцэрлэг, ерөнхий боловсролын сургуулийн 45 барилга байгууламж байна. Энэ 8 дугаар сарын байдлаар:
550 хүүхдийн хүчин чадалтай 4 цэцэрлэг
1400 хүүхдийн хүчин чадалтай 5 бага сургууль, цэцэрлэгийн цогцолбор ашиглалтад ороод байгаа юм.
Дээрх барилга байгууламжуудад үйл ажиллагаа явуулах хүүхдийн цэцэрлэг, ерөнхий боловсролын сургуулиудын сургалт, үйл ажиллагааг хэвийн явуулахад 19,3 тэрбум төгрөгийн ширээ сандал, тавилга, тоног төхөөрөмж шаардлагатай бөгөөд Ерөнхий сайд нөхцөл байдлын мэдээллийг сонсож, Боловсролын яам болон нийслэлийн удирдлагуудад хугацаатай үүрэг чиглэл өглөө.
Ерөнхий сайдын өгсөн үүрэг, чиглэлийн дагуу энэ 7 хоногийн Засгийн газрын хуралдаанаас холбогдох шийдвэрүүд гарна.
