Scroll to top
Scroll to top
2025-2026 ОНЫ ХИЧЭЭЛИЙН ЖИЛД ЕРӨНХИЙ БОЛОВСРОЛЫН СУРГУУЛИЙН 3, 4 ДҮГЭЭР АНГИД АНГЛИ ХЭЛ ЗААНА
Энэ хичээлийн жилд төрийн өмчийн Ерөнхий боловсролын сургуулийн 3, 4 дүгээр ангид англи хэлний хичээл заах багш нарыг чадавхжуулах сургагч багшийн сургалт болно. Сургалтад бага ангид англи хэлний хичээл заах шилдэг арга зүйтэй 89 багш, аймаг, нийслэлийн боловсролын газрын англи хэлний сургалт хариуцсан 21 мэргэжилтэн хамрагдах юм. Сургалтыг Боловсролын Ерөнхий Газар, IEDC Pearson Partner Mongolia хамтран зохион байгуулж байна.
Сургалтаар:
Бага ангийн сурагчдын сэтгэхүйн онцлог, хэл сурах үйл явцын талаарх ойлголтыг гүнзгийрүүлэх
3, 4 дүгээр ангийн цогц хөтөлбөрийн онцлог, бүтэц, агуулга, сурах бичиг, дагалдах материалын талаар нэгдсэн ойлголт өгөх
Сургалтын идэвхтэй аргуудыг ашиглан сурагч төвтэй багшлахуйд суралцах
Сургалтын цахим платформ, дижитал контентыг хичээлдээ үр дүнтэй ашиглах чадварыг хөгжүүлэх
Анги удирдах, ялангуяа олон хүүхэдтэй ангид суралцагчдын оролцоог жигд хангах, ялгаатай хэрэгцээг тооцох арга барилд суралцах
Суралцагчдын ахиц дэвшлийг үнэлэх, хөтөлбөрт суурилсан үнэлгээний аргуудыг ашиглах чадвартай болох
Багш нарын хамтын ажиллагаа, туршлага солилцох, мэргэжлийн хөгжлийн бүлгийг дэмжих зэрэг чадвар олгоно.
Сургалт лхагва гарагийн өглөө 09:00 цагт нийслэлийн лаборатори 1 дүгээр сургууль дээр болно.
