Scroll to top
Scroll to top
СУРАГЧИЙН ЦҮНХИЙГ СОНГОХДОО ЮУГ АНХААРАХ ВЭ?
ЗӨВЛӨМЖ
Дэлхийн улс орнуудаас Герман, Франц, Итали, Энэтхэг, Филиппин, Малайз зэрэг улсууд цүнхний стандарт тогтоосон харин Америк, Канад, Австрали, Япон, Солонгос зэрэг улсууд зөвлөмж гаргасан байдаг ба цүнхний жин нь хүүхдийн биеийн жингийн 10-15%-аас хэтрэх ёсгүй гэж заасан байдаг. Олон улсын жишиг болон ДЭМБ, ЭМЯ-аас хүүхдийн биеийн жингийн 10%-аас хэтрүүлэхгүй байхыг зөвлөдөг.
Сургуулийн орчны зохион байгуулалт
Сургуулийн анги танхимд эсвэл коридорт сурагч бүрд зориулсан хувийн шүүгээ байршуулаарай.
Хичээлийн хуваарийг оновчтой төлөвлөн хүнд номтой хичээлүүдийг өдөр бүр давхцуулалгүйгээр зохион байгуулаарай.
Гэрийн даалгавар, бие даалтыг хэвлэмэл материал, нээлттэй эх сурвалжаас хийх менежментийг хэрэгжүүлээрэй.
Цүнхний загвар, хэрэглээ
Нуруунд жигд ачаалал өгөхүйц хоёр мөрөнд үүрдэг байх.
Хөнгөн материалтай, тоноглол багатай, ачааллыг жигд хуваарилахад тустай олон тасалгаатай байх.
Цүнхний оосор өргөн, материал нь хөлөргөдөггүй байх.
Цацруулагчтай байх (хэрэв таны сонгосон цүнх цацруулагчгүй бол нэмэлтээр 3 талд нь цацруулагч хийх).
Цүнхэндээ зөвхөн тухайн өдрийн хэрэгтэй зүйлсийг хийх дүрэм, дадал хэвшүүлээрэй.
Эцэг эх, асран хамгаалагч, багш нарын хамтын ажиллагаа
Эцэг эх, асран хамгаалагч та хүүхдийнхээ цүнхэнд шаардлагагүй зүйлс байгаа эсэхийг шалгаарай.
Эцэг эх, асран хамгаалагч та хүүхдийн хичээлийн хэрэгслийг сонгохдоо хөнгөн, овор хэмжээ бага байхаар сонгоорой.
Багш та сурагчдаа зөвхөн тухайн өдрийн хичээлдээ шаардлагатай хэрэглэгдэхүүнийг цүнхэндээ авч ирэхийг зөвлөөрэй.
Багш та хүүхдийн цүнх хүнд байгаа эсэхийг анзаарч, эцэг эх асран хамгаалагч нарт сануулж хамтран ажиллаарай.
